PARABOLA DEL FIGLIUOL PRODIGO
dal Vocabolari "Jacopo Pirona" ed 1871 stanpât a Vignesie, che il dr. Antonino De Longa di Udin al ten cont come une reliquie.

Il DIALETTO DI TRICESIMO.

11. Un tal al veve doi fîs.
12. E il plui pizzul a i disè a so pari: Pari, dàimi le me legìtime che mi ven. E lui a ur spartì le so robe.
13. E di lì a pôs dìs, ingrumàd dutt il so, il plui ‘zovin si disçholè e al lè vie lontàn, e là al stronfà dutt fasind le male vite.
14. E cuand che al veve mangiàd dutt, in chell pajis e’ capità une gran miserie, e lui al scomençà a patî fam.
15. E al lè a racomandàssi là di un benestant dal pajìs, e custùi lu mandà in-t’un so stabil a passon cui purcèi.
16. E al sclopave di vòe di emplà il gradauàn cu lis glands che mangiàvin ju purcèi, ma niun i in deve.
17. E pensand ai cas siei, al disè: ce-tançh di lôr che van a vore là di miò pari, e che àn il pan che ur vanze, e jo culi o’ crepi di fam.
18. O’ mi risolvarài, e o’ larai là di mio pari, e i dirài: pari, o’ ài peçhad cuìntri il Signor e cuìntri di vô.
19. Jo no soi plui degn che mi disin vuestri fì: çholèmi a vore anche me come che o’ çhòlis un’ altre vore.
20. E al si çholè su, e al tornà là di so pari. Cuand che ançhimò al ere lontan, so pari al lu vedè, e molt a compassion, i corè incuìntri, a i si butà a bracecuèll, e lu bussà.
21. E so fì i disè : pari, jo o’ ài peçhàd cuìntri il Signor e cuìntri di vô; jo no soi plui degn che mi clamàis par vuestri fi.
22. Ma, so pari i disè ai soi famèjs: svelts, portàit in ca’ un vestìd resìnt, vestîlu, mètiji un anell tal ded, çhalzàilu e scarpàilu.
23. E menàit in cà un vigell grass, e mazzàilu, che olìn mangià e fâ sagre.
24. Parcèche chest mi miò fì culi al jere muart, e al è resuscitàd, ò lu vevi piardùd, e lu ài tornàd a çhatá. E a seomençàrin a mangiâ e a bèvi.
25. Bisugne savê che lu fì plui vieli, al jere in tavièle, e biell tornand rivàd da-cis di çhase al sintì a sunâ e a balâ.
26. E al clamà donge un famèj, e i domandà ce che al jere di gnûv.
27. E lui a i rispuindè : vuestri fradi al è tornàd, e vuestri pari al à fatt mazzà un vigell di chei grass, parcèche a i è tornàd san e salv.
28. Ma lui al si jère invelegnàd e nol oleve entrâ in çhase; e so pari inacuàrt al saltà fûr, e al scomençà a preàlu a entrâ anche lui.
29. Ma lui a i rispuindè a so pari, e i disè : sintìt, e’ son tançh’ agn che jo o’ fas culi di servitòr, e in vite mê no ài mai disubidid ai vostris comands, e vô no ses stad mai bon di dàmi a mi un cavrett che o’ less a giòldilu cui miei amìs.
30. Cumò invece che al è tornàd chest altri vuèstri fì, che al à consumàde dute le so sostanze cu lis fèminis di mond, a lui po’ i ves mazzàd il vigell plui grass.
31. E il pari a i disè : fì, jo ti ài te simpri donge di me, e chell che al è miò al è tô.
32. Bisugnave ben giòldi e fâ fiestis, parcèche chell pùar tô fradi al jere muàrt e al è tornàd di cà, lu vèvin piardud, e lu vin tornàd a çhatà.