PARABOLA DEL FIGLIUOL PRODIGO
dal Vocabolari "Jacopo Pirona" ed 1871 stanpât a Vignesie, che il dr. Antonino De Longa di Udin al ten cont come une reliquie..

DIALETTO DI COLLINA (Gorto).

11. Un om avevo doi fiis.
12. E lu plign pizzul di chei dissè al pari: Pari, dami la part dei bens cu mi toçho. E lui fassè fra lóor lis parts de sostanzo.
13. E dà lì a pùos diis, mitùud dutt insiemo, lu fii plign pìzzul sin là in lontan pajìs, e culà strazzà dutt lu so in baracàdos.
14. E cuand ch’al avè finid dutt, fo grand çharistìo in chell pajis, e à comènço a mançhàji il di bisùgn.
15. E al va da un di chell pajis a domandàji servìzi; e chell lu mandà in uno so pussissiòn a pastoreâ ju purcìts.
16. E al volèvo emplâ lu vìntri cul gland cu mangiàvin ju purcits, e nissun j’ in dèvo.
17. Ma, pensand fra lui al dissè: Cuançh lavorants in çhaso dal gno’ pari àn pan avòndo, e jò achi i mòur da fan.
18. Mi alzarài, e larài dal gno’ pari, e dirài a lui: Pari, ài peçhad cuintro ‘l cìl e cuìntro te.
19. No sòi àtri degn di jèssi clamàd tò fì; tègnmi como un dai tiò servitùors.
20. Al si jevà su, e al là dal so pari, e sebèn che al èro ançhimo’ lontan il so pari lu vedè, e a i fasè dòul, e a i corè incuintro, a i butà ju brazz al cuèll e lu bussà.
21. E lu fì i dissè: Pari ài peçhad cuìntro lu cîl, e cuìntro te, no soi plign degn di jòssi clamàd to fì.
22. E lu pari al dissè ai siò servitùors:
Sùbit giavàat fòur ju àbits plign preciùos, e metèji-i induess, e metèji l’anell tal dìot, e ju scarps int-i pèis.
23. E çhòlit lu vidiell grass, e mazzàalu, e si mángi, e si stèet alegramenti.
24. Parcé che chest gno’ fì al ero mùart e al è risçuscitàd, al ero pirdùd e al è stad çhatàd.
25. In che’ vòlto il grand fì ero in campágno, e’ cuand che al tornávo a çhàso, al síntì a suinà e balà.
26. Al clamà un servidùor, e lu domàndo ce çhosso che era chesto,
27. E chell rispondè: al è tornàd lu to fradi, e lu to pari l’ ha mazzàd un vidièll grass, parcè che l’ è tornàd san.
28. E lui si invelegnà, e nol volèvo entrà. Lu pàri al saltà fòur, e ‘1 començà a preàlu.
29. Ma chell rispuindè e dissè a so pari: Jo sòi za-tançh angn che ti sièvìs, e no ài mai trasgradid un to comand, e no mi às mai dàd un cavrett, che lu vess giuldùd cui mìo amìs.
30. Ma cumò che al è vignùd chest to fì, cu à strazzàd dutt chell che al vevo cun fémenos coròtos, ás mazzàd par lui lu vidièll grass.
31. Ma lu pari i dissè: Fì, tu sìos sìmpri cum mìo, e dut chell che ài jo al è tò.
32. Ma al ero just di stà alegramènti e di fâ fièsto; parcé che chest to fràdi al ero muart, e al è risçuscitàd, al ero pirdùd, e si lu à çhatàd.

LEONARDO CANEVA.