26 di Dicembar

FIESTE DI SAN SCJEFIN PRIN MARTAR

Antiforle di jentrade

Lis puartis dal cil a son stadis viertis par Scjefin, ch'al è stat il prin martar, e lassú al trionfe come un ch'al à vinçût.

Oremus: Prein: Signor, danus la gracie di meti in pratiche ce ch'o stin laudant, par ch'o iimparin a olê ben ancje ai nimis, parceche o fasin la fieste de vere nassite di chel ch'al à savût preâ ancje par chêi che lu copavin.
Tal domandin par Gjesù Crist nestri Signor e to Fi ch'al è Diu e al vif e al regne dutune cun te e cul Spirtu Sant par ducj i secui dai secui. Amen.

Prime leture: O viot i cî zà vierts.

Dal libri dai Faz dai apuestui 6, 8-10; 7, 54-59
Alore Scjefin, plen di gracie e di fuarce, al faseve rneracui e segnos di chei grancj in mieç al popul. Alore un groput di chêi de sinagoghe che j disevin dai libars, di cireneos, di alessandrins e di altris de Cilicie e de Asie, si fasin indenant a dîscuti cun Scjefin, ma no rivavin a fâ cuintri 'e sapiense e al Spirt chtal veve cuant ch'al fevelave.
Sintinlu, ur vignive-sú la rabie e a crustavin i dincj cuintri di lui. Ma Scjefin, incolmat di Spirtu Sant, al cjalá il cil, al viode la glorie di Diu e Gjesù in pins a la so gjestre e al disè: «Ve'! O viot il cil spalancât e il Fi dal om in pins a la gjestre di Diu».
Alore, berlant a dute vos e stropansi lis orelis, ducj insieme si son butaz cuintri di lui; a sburtons lu àn parât-fur de sitat e lu àn claponât. I testemonis e àn poiats i lor vistits dapis di un zovin ch'al veve non Saul, e intant che lu clapadavin, Scjefin al preave e al diseve: «Signor Gjesù, racuei la me anime».
Peraule dal Signor. A Diu grassie.

Salmo cul Respor.sori Sal. 30, 3cd 4. (Sab e 7b e ~a. 17 e 21 ab)

R. Signor, o met la me vite tes tos mans. (R.: 6a)

Slungje la ta orele e anin svelt in gno jutori.
Devente par me come un crete che mi pare,
come une fuartece dulà ch'o soi sigur.

O met la me vite tes tos mans;
vuardile, Signor, Diu di peraule.
Jo mi fidi dal Signor.
Il to boncur al è la me gjonde e la me ligrie.

Mostre buine muse al to servidor,
salvimi, parceche tu ses bon di cur.
Tu mi platis daur de to muse
lontan des tristerils dai umign.

Aleluia Sal. 117,26.27

Aleluia. Benedet seial cui ch,al ven tal non dal Signor;
il Signor al è Diu e nus à faz contenz. Aleluia.

Vanseli
No fevelareis vualtris, ma il Spirt di vuestri Pari.

Dal Vanseli seont Mateo 10, 17-22
Alore: Gjesù al à dite ai siei apuestui: Stait atenz dai umign, parceche us menaran in tribunal, us sgorearan tes lor sinagoghis, us strissinaran denant dai governadors e dai res par cause me, come testemonis sul gno cont par lor e pai popui.
Cuant che us ciaparan, no stait a bassila di ce ch'o veis di rispuindi, parceche us vignarà-sú in chel moment ce ch'o veis di dî; no fevelareis vualtris, ma il Spirt di vuestri Pari al fevelarà par vualtris. Il fradi al fasarà muri so fradi e il pari so fi e i fis si jevaran-sú cuintri i gjenitors e ju fasaran murî. Ducj us odearan par-vie dal gno Non, ma cui ch'al ten dur fin tal ultin chel al sarà salf
Peraule dal Signor. La laut a tì, o Crist.

Su lis ufiertis

Signor, vei agrat lis ufiertis di cheste fieste di ué ch'o fasin in onor di san Scjefin martar.
Tal domandin par Crist nestri Signor. Amen.

Prefassi di Nadal.
Antifone di Cumunion Fats 7, 58

A clapadavin Scjefin ch'al preave e al diseve: Signor Gjesù, racuei la me anime.

Dopo de Cumunion

Signor, ti ringrassiin pal to bon cur che si è indegnat di salvanus cu la nassite dal Fi e che nus fas contents cu la fieste di san Scjefin martar.
Ta] domandin par Crist nestri Signor. Amen.