Fieste de Adolorade, 15 settembre
Antifone di jentrade Lc. 2, 34-35
Par gno cont che no mi capiti mai di vantâmi di altri,
ma dome de Crôs dal Signor nestri Gjesù Crist,
parceche midiant di jê il mont par me al è metût in crôs,
e jo o soi metût in crôs pal mont.
Oremus: Prein: O Diu Pari, che tu âs disponût che dongje di to Fi Gjesù Crist in crôs e fos ancje so Mari Dolorade, dà la gracie a la Glesie Sante che si unissi a jê te passion di Crist, par gjoldi cun jê la risurrezion gloriose.
Tal domandin par Gjesù Crist nestri Signor e to Fi, ch’al è Diu, e al vîf e al regne dutune cun te e cul Spirtu Sant par ducj i secui dai secui. Amen.
Prime leture: Il Pari al salve de muart.
De Letare ai Ebreos, 5,7-9
7 Lui, cuant ch’al veve intorsi cheste cjar, sberlant ad alte vôs e vaint, al à preât e suplicât Chel ch’al podeve salvâlu de muart, e al è stât scoltât par vie dal so rispiet (dal Pari); 8 e ancje s’al ere il fi, al à imparât a stà sot cun cè ch’al à patît, 9 e, rifinît in dut, al è ridot par ducj chêi ch’a stan sot di Lui la cause che ju salve par simpri».
Peraule di Diu. Grassie a Diu.
Responsori Salmo 30
Signor, te me sofferense, judimi
2 Signor, o mi pari là di te,
che no mi tocji di pentîmi!
Dilibérimi Tú, che tu sês just.
3 Slungje la to orele e anin svelt in gno jutori.
Devente par me come une crete che mi pare,
come une fuartece dulà ch'o soi sigur;
4 parceche la me crete e la me fuartece tu sês Tú:
pal to sant Non vuardimi e menimi par man.
5 Vuardimi de rêt che mi àn tindude,
parceche tu sês Tú chel che mi pare.
6 O met la me vite tes tos mans:
vuardile, Signor, Diu di peraule.
18 Signor, che no vèj di pentîmi di vêti preât.
Ch'a si pentissin i triscj,
ch'a vadin cidins te buse:
19 ch'a si sierin i lavris dai bausars,
di chêi ch'a dísin mâl dal just,
plens di supierbie e di disprès.
.
20 Ce grant ch'al è il to boncur, Signor!
Tu lu tens di bande par chêi che ti crodin,
e tu lu dopris par ducj chêi che si parin là di te,
in face di ducj chealtris.
|
Secuenze - Stabat Mater
|
|
| 1 - Stave mute e sconsolade | 10 - O vô, amabil tra lis maris |
| la gran Mari adolorade | Di Gjesù lis plais stampàimi |
| sot la crôs dal Redentôr. | tal plui vîf di chest gno cûr. |
| 2 - A pareve cence vite | 11 - E cui clàuts e cu lis spinis |
| chê biel’anime trafite | che àn ferît ches cjârs divinis |
| cu la spade dal dolôr, | travanàimal fûr par fûr. |
| 3 - O ce dûl, o ce disdete | 12 - Cun vô, fàit, o cjare Mari, |
| par chê mari benedete | ch’o patìssi, par ch’o impari |
| che no veve che chel fi. | dal Fi vuestri a sapuartâ. |
| 4 - Puore Mari! Jê gemeve | 13 - Dongje vô, divine aflite, |
| par chel unic che vedeve | fàit ch’e resti la me vite |
| enfri spasims e lancûrs. | sot la crôs a sospirâ. |
| 5 - Dulà ìse mai creature | 14 - E vô, pure tra lis puris, |
| che no vâi, a la torture | no badait 'es mes turtùris, |
| di che mari tant da ben? | ma cun vô fàimi vaî. |
| 6 - Cui no provial tenerèze | 15 - Fàit ch'o puarti in cûr sculpidis |
| par che Mari di dolcèze | lis angustiis, lis feridis |
| che patìs cul so cjâr Fi. | e la muart dal vuestri Fi. |
| 7 - Par chel popul ingratissim | 16 - Sèi che crôs la me ricjece, |
| e viodè so Fi cjarìssim | sei chel sanc la me dolcece |
| tra flagjèi e tra torments. | e ches plàis il gno ripâr; |
| . | |
| 8 - E volé fâj companìe | 17 - Vô preàit, o mari amade, |
| in te lungje so angonìe | che ta l'ultime sornade |
| fin ai ultims siei moments. | no mi pierdi tal infiâr, |
| 9 - O vô, amabil tra lis maris, | 18 - Ma, finît caiù di gemi, |
| dàimi lagrimis amaris | fàimi vê, gran mari, il premi |
| par ch’o vâi simpri cun vô. | ch'al è pront pai vuestris fìis: |
|
19 - Quanche il cuarp larà in cinise,
|
|
la me sorte a sèi decîse,
|
|
di lâ a gjoldi in Paradîs. Amen.
|